สองเฒ่ายายตา อาชีพเฮ็ดนาอยู่ที่บ้านนอก ก้มหน้าเฮ็ดงานง๊อกๆ ลูกชายลูกสาวบ่อยู่ เลี้ยงวัวเลี้ยงควายปลูกผักขาย จับปลาหาปูกะพอได้กินได้อยู่
กัดฟันสู้ประสาผู้เฒ่า นั่งกอดหัวเข่าคอยถ้าฟังข่าวลูกมายามบ้าน ปีใหม่หรือว่าสงกรานต์กะเห็นแต่ความว่างเปล่า จนมาปีนี้กะได้ของฟรีผลงานหมู่เจ้า หอบลูกมาให้แม่เฝ้า แล้วลูกหนุ่มสาวก็หนีเข้ากรุง
** ตาบ่เห็นหุ่งกะงมหาเลี้ยงหลานน้อย รับจ้างเฮ็ดงานต้อยๆ หาเงินมาคอยพยุง ค่าผ้าค่านม ของเล่นขนมใช้ตังค์นังนุง พ่อแม่หลานที่เมืองกรุง ส่งข่าวงานยุ่งบ่มีเวลา
***สองเฒ่ายายตา ฝากคนโทรหาเอิ้นลูกมาบ้าน ปีใหม่หรือว่าสงกรานต์ให้พากันหวนคืนบ้านนา บ่ห่วงแม่พ่อก็ขอให้ห่วงลูกแหน่เด้อหล้า เจ็บหลาย ยามไทบ้านว่า หลานเป็นกำพร้า... พ่อแม่มันลืม
ไม่มีความคิดเห็น:
แสดงความคิดเห็น